Nishabd

Jab tu na aaya kabhi

Humara gam na gaya kabhi,

Aur in pehchani rahon par

Hum kho gaye lapata yun hi.

Har boond mein tujhe baha diya

Lakeerein bhi dhundlin ho padin,

Par toone raham na kiya

Aur zindagi banjar hoti chali.

Tere pyar mein yun ojhal

Hum anjani rahon par chal diye,

Mila bas tera gam, khamoshi- woh sab

Na mila tera pyar, hum taraste hi rahe.

Is dil mein teri mohabbat ab bhi

Chhipi padi gehre andheron mein,

Sehmi hui- tujhse, mujhse, aur

Is duniya ki kathor nazaron se.

Ab hum bas tujhe yaad karen,

Apni har tanhai mein,

Na aas hai tere aane ki

Fir bhi dil toote har aahat pe.